Brynais i dusw o gennin pedr i ngwraig ddoe ar ddiwedd diwrnod hamddenol. Dyna’r cyfan wnes i o ran dathlu dydd ein nawdd Sant, ond roedd yn braf cael y blodau llachar yn goleuo’r stafell a rhoi blas o felyn yr haf ar ddiwedd gaeaf. A dweud y gwir, sa’n well gen i tasen ni’n dathlu Llywelyn ein Llyw Olaf, Owain Glyndŵr (neu Glyndr fel dwedodd yr Occidental Mule) neu arwr nad sydd wedi ei seintio gan bwy bynnag oedd yn dyrannu’r anhrydeddau yn Rhufain ar y pryd. Gwn fod Cymru wedi bod yn Gristnogol ers dechreuad unrhyw feddwl am Gymru fel gwlad, ond dio’n deud dim i fi’n bersonol fod nawdd sant ganddon ni. Llawer gwell ar gyfer dathlu ein cenedl, iaith a diwylliant fuasai dathlu uniolgyn sydd yn gallu ein ysbrydoli i feddwl amdanom ein hunain fel...
